Nunha sociedade do coñecemento, o triángulo da intelixencia turística compóñeno ao unísono a formación, a investigación e a innovación. O Master Universitario en Dirección e Planificación do Turismo Interior e de Saúde oferta a formación e prepara para a investigación e a innovación.

A calidade do programa e do profesorado (académicos, investigadores e profesionais do sector turístico), o nivel de especialización e a capacidade que ofrece para realizar prácticas en empresas, unido a unha metodoloxía de ensino que prima o traballo en equipo e presenta a posibilidade de aprender mediante a análise e a resolución dos casos reais, e as experiencias e coñecementos que transmiten os docentes, fan que este Master se adecúe ao mercado laboral, e por conseguinte brinde posibilidades reais en termos laborais.

O master conta con máis de 10 anos de experiencia, iniciando a súa andaina no ano 2006 co Master Oficial en Dirección e Planificación do Turismo. No ano 2011 este sofre unha reforma e dá paso ao actual máster.

COORDINACIÓN DO MASTER
Coordinador: Dr. José Antonio Fraiz Brea
Secretaria: Dra. Noelia Araújo Vila (secretaria@masterturismoourense.es)